نكشة مخ
.
عدد الرسائل : 29
نقاط : 57122
 |  موضوع: قول رأيك في نتيجة مبارة منتخب مصر والجزائر  2009-06-09, 01:03 | |
| بسم الله الرحمن الرحيم
طبعاً أول حاجة لازم نقول بسم الله الرحمن الرحيم انا مش بحاول اضحك عليكم زي لعيبة المنتخب كدا لما يبدأوا أي كلام في أي لقاء تليفزيوني "بسم الله الرحمن الرحيم ... طبعا لقاء انهارده كلنا مركزين ومفيش حاجة اسمها مباراة مهمة ومباراة مش مهمة احنا دايما مركزين .... الخ"
وطبعاً كلنا عارفين النتيجة في الاخر 
اما بالنسبة لموضوعنا بداية أحب أوجه الشكر للجهاز الفني وحسن شحاتة يا معلم خلي الشبكة تتكلم حقيقي معلم .. وشوقي غريب وباقي الجهاز الفني نشكرهم طبعا على المجهود الجبار المبذول وأخص بالشكر السد العالي للمنتخب عصام الحضري وطبعا كلنا عارفين أنه قام بواجبه وزيادة وكان بيترمي على كل كورة بس الدخان والصواريخ ومجالات مغناطيسية بلاستيكية غريبة هي اللي كانت بتخلي الكورة تروح بعيد عنه ولا يسأل بالطبع عن أي هدف من الأهداف الثلاثة التي مني بها مرماه
وبالنسبة لخط الدفاع اشد على أيديهم جميعا ولا يكلف الله نفساً إلا وسعها .. طبعا كان واضح فارق الطول بين لاعبينا منتخبنا الأشاوس وبين لاعبي منتخب الجزائر المميزين بطول القامة وبالتالي أي كرة عرضية كانت في متناولهم بكل سهولة ونبقى نحن تائهون بين غابة من سيقان لاعبي الجزائر الي طايرين في الهوا اصلا ما شاء الله عليهم ..
نيجي بقى لمنتصف الملعب (خط النص يا خط النص .. إيااااااااا إياااااااااااا أوووووووووووو) طبعا كانت خطة ذكية جداً أن يوفر حسن شحاتة مجهود لاعبي منتصف الملعب .. واحد يقولي ازاااااااااااااااااااي ... أقولك انا ازاي... في حالة وصول الكرة لأي مدافع مصري كان علطول بيشوحها بعيييييييييييييييييد تعدي من فوق لاعبي منتصف الملعب كلهم وتوصل يا اما لزيزو الي بيطير في الهوا ويقع وتروح منه الكورة .. وفي حالة لو مفيش هجمة علينا بقى نعمل ايه؟!
بسيطة 
شوقي يرجع الكورة لهاني سعيد الي بدوره يرجعها لعصام الحضري والي بدوره يشوحها بعيييييييييييييد .. وفي النهاية النتيجة واحدة وهي خطة لئيمة جدا على فكرة لولا أن انتبه لها لاعبو الجزائر وقعدوا يدوخوا لاعبي الوسط المصريين على طريقة العشرة الطيبة ..
وماننساش عمرو زكي طبعا بلدوزر المنتخب والكابتن أو تريكا أحسن لاعب في أفريقيا، مع اني سمعت انه نسي صورته وهو بيتسلم الجايزة بتاعت أحسن لاعب في مصر واعتبر هذا الحادث هو السبب في ظهوره بمستوى أقل مما نعهده عليه ...
أما بالنسبة لحسني عبد ربه أنا نسيت أصلا أنه كان بيلعب اليوم دا، بس لأن تقريبا المعلق كان مكسوف يقول اسمه ولا ايه أو بينهم وبين بعض مشاكل وشيكات وحاجات كدا يمكن الله أعلم ..
طبعا زيزو اشتكى أن الفندق كان فيه صراصير وهو بيقرف أوي يا حبة عيني مما أثر على حالته النفسية قبل المباراة وأصر انهم يطهروا أرض الملعب بالديتول إلا أن محدش عبره (محترف بقى) .. طبعا أداء أكثر من رائع وشيء مشرف وانتظرونا يا مشجعي البرازيل فنحن قادموووووووووووون ...
مصري للأبد
مصري للأبد | |
|
LeGenD
.
عدد الرسائل : 4092
نقاط : 69097
شارك الموضوع
Share: 
| | موضوع: رد: قول رأيك في نتيجة مبارة منتخب مصر والجزائر 2009-06-10, 00:13 | |
| تسلم نكشه على الموضوع الجميل فعلا المنتخب لعب اسوء متش ومكناش متوقعين الهزيمه التقيله دي ربنا يستر بقى ونستنى مبارة الجزائر وزامبيا ونشوف ايه الي هيحصل  تحياتي | |
|
