كنا من زمان شله وحدة وحبايب في حارة وحده .. المهم تخرجنا من الثانوي.
وكل اصحابي كملوا دراستهم بأمريكا
وتخرجوا وجو للرياض ويشتغلون الأن في شركات كبرى في الرياض.
إلا انا مسكين جالس بينهم متخرج من جامعة سعودية وموظف حكومي بالواسطة.
دائما في تجمعاتنا الأسبوعية يحكون ويضحكون وانا ما ادري ما يقولون.
واذا سألتهم يردون علي بتعجب: 'معقولة ما تعرف؟'
إلا ان اصبحت استحي أسألهم.
وصرت اعمل نفسي فاهم معهم
اذا ضحكوا ضحكت معهم
واذا استغربوا استغرب معهم
مرة كانت قاعد معهم
واسمع حكاويهم
يقول واحد منهم: مدير الـ HR عندنا مغرور وشايف نفسه والمشكلة ان إدارته لا تهش ولا تنش
يرد ثاني : ووين الـ MD؟ ما يتدخل بينكم؟
الآول : مشغول باجتماعات ما تنتهي مع الـ CEO. وحنّا متورطون مع جماعة الـ IT، ما نقدر نتكلم معهم ابد.
الثالث يشارك : أوه.... دايما الـ KPI حقهم ضارب في العالي.
الرابع : يا جماعة حنّا في 'الويك إند'.. تكلموا في شي ثاني.
أتنهد وأقول في نفسي: الحمد لله جاء دوري في الكلام وما ان ابدا الكلام بحكاوي حلوه إلا
يسأل واحد منهم: وش أخبار الـ DFM؟
الثاني : تعبان، عشان ال IPO الأخير جاء على غير المتوقع، وما ربحنا فيه ريال
الأول : قلت لك أن هذا زمن العقارات.
أقول في نفسي: العقارات؟ الحمد لله اعرفها ذي ....وتوني بقول الحديد رخص والعقار بينهار
يقول واحد: فيه فلل للإيجار في الـ JBR يا شباب؟
الثاني : طارت الطيور بأرزاقها.
قلت في نفسي ...زين اللي ما قال TTB، طارت....الطيور ...بأرزاقها
يقول أحدهم: اتركوا العقارات وخلونا نتكلّم عن الزحمة في الشوارع.
- أمس اعوذ بالله كنت بدبي،مستحيل الواحد يمشي ب Rush hour وبدت الزحمة قدّام الـ DIC إلى بوابة سالك.
- وأنا كنت في طريقي للـ DMC وبقيت ساعتين في زحمة شارع الشيخ زايد.
يخلص الكلام عن الزحمه، ويناظرني واحد منهم ويقول:
ابو سعد ...إلا وش سويت....ليش ما تاخذ الماستر' في الـ MBA؟
أقول في نفسي: أكيد أنه يقصد 'الماستر كي' ....بس غريبة.....وش دخل ... المفاتيح بالموضوع بس تداركت ان الموضوع مش مفاتيح واني ضايع في المعمة دي......وما عرفت ارد
وقلت : ما اقدر .
رد ثالث : ما تقدر ؟؟؟؟ ليش- كم كان الـGPA حقك؟
يا ربي وش يقصد ............قلت المشاركة ولا فقه الخشة
أرد عليهم : ما اذكر، بس انه 'أوتوماتيكي'.
يضحك الجميع ويعتقدون أنني أمزح. ويوم جا وقت العشاء يقولون:
- مطعم هندي.. لا إيراني.. لا شامي.. قال واحد يا جماعة اشتقنا إلى الـ KFC.
كلهم وافقوا وقعدوا يناظروني ينتظرون رايي،
قلت: أنا باروح للبيت وأنتم روحوا للـ JWM.
قالوا:وشهوا هذا JWM!!
قلت : 'معقولة ما تعرفونJWM ؟'
ورحت تاركهم وما قلت لهم معناها
شرح الاختصارات:
HR: الموارد البشرية
MD: المدير التنفيذي...
CEO: الرئيس التنفيذي...
IT: تقنية المعلومات...
KPI: مقياس مؤشر الأداء...
DFM: سوق دبي المالي...
IPO: الاكتتاب...
JBR: جميرا بيتش ريزدنس...
DIC: مدينة دبي للإنترنت...
DMC: مدينة دبي للإعلام...
GPA: المعدل التراكمي...
MBA الماجستير في إدارة الأعمال
KFC: كنتاكي...
JWM : جهنم وبئس المصير
موضوع: ربنا يكفينا شر JWM 
2009-06-03, 06:51
