قصه بنت اسمها عبير

موضوع: قصه بنت اسمها عبير 2009-11-12, 00:51

كم هذة القصة الغريبة التى يقشعر لها البدن

القصة تقول ان في بنت تدرس في الثانوية اسمها (عبير) في يوم
كانت خارجة رايحة مشوار إلى مكان ما وبعدين قابلت ولد واتعرفوا على بعض
المهم اخدت الرقم واتصلت بيه وعرفت ان اسمه (خالد) وزادت العلاقة
وقوت بينهم جدا ...

وكانوا عايزين يقابلو بعض بس مش لاقيين طريقة وبعد كده جت فكرة لخالد

فقال لعبير خلاص احنا هنتقابل عند المدرسة بتاعتك

قالت عبير : إزاى يعنى مش فاهمة؟؟

قالها:اسمعى انتى باباكى كل يوم بينزل يوصلك للمدرسة وبعدين يروح الشغل صح ؟؟

قالت: ايوة صح

قالها :خلاص بعد اما باباكى يوصلك ويمشى انا هعدى عليكى من قدام المدرسة اخدك وتركبي معايا

قالت : بس المديرة هتتصل علي البيت لما تعرف انى ماروحتش المدرسة

قال: ابقي افصلى سلك التليفون وريحى دماغك

قالتله : بس انا خايفة اوى

قالها : هتخافى من ايه بس؟؟ تعالى وجربى

المهم راح ابو عبير ووصل بنته للمدرسة عادى زى كل يوم ومشي

ثوانى ولقت خالد واقف و ركبت عبير معاه بسرعة

راحوا علي الكوفى شوب فطروا وقعدوا يحكوا مع بعض شوية
لحد ما ميعاد رجوعها من المدرسة جه فقامت و وصلها خالد ورجعت البيت وهيا خايفة اوى بس محدش عرف حاجة عن اللى حصل

اتصلت بسرعة بخالد وقالتله ان اهلها ماعرفوش حاجة عن الموضوع ده وطمنته
وقعدوا يتكلموا مع بعض شوية وبعدين خالد قالها ايه رأيك اقابلك بكرة؟؟؟

قالتلة لالالا مش كل مرة تسلم الجرة

قالها تعالى بس دا انا المرة دى جايبلك هدية

قالتله خلاص تعالى كده وشوف الوضع امان ولا ايه؟؟

وجه خالد وركبت معاه زى اول مرة

المهم اخدوا علي الحال ده اسبوع من السبت للخميس...

وجه يوم السبت اللى نست فيه عبير تشيل سلك التليفون وطلعت مع خالد

وفجأة..

تليفون البيت رن

قامت ام عبير مفزوعة من النوم ( خير اللهم اجعله خير )

ام عبير : الو

المديرة: الو السلام عليكم

ام عبير : وعليكم السلام مين معايا؟؟!!

المديرة : انا الاستاذة هدى مديرة المدرسة اللى بتدرس فيها بنتك عبير

ام عبير : خير ان شاء الله

المديرة : خير بإذن الله بس عبير بقالها إسبوع ماجيتش المدرسة
خير هي مريضة؟؟؟

ام عبير : إزاى؟؟!!... (وتوهت علي الموضوع)..
ايوة هيا عبير تعبانة بس شوية وخفت الحمد لله

المديرة : ألف سلامة عليها انا بس حبيت اطمن عليها .. مع السلامة

ام عبير الدنيا دارت بيها ومبقتش عارفة تعمل ايه؟؟ تقو لأبو عبير ولا تمسك عبير وتسألها؟؟؟

المهم قالت كل حاجة لأبو عبير وهو قالها متعرفيهاش باللى حصل وانا هارقيبها اشوفها بتروح فين؟

ويوم الأحد وصل ابو عبير البنت للمدرسة وبعدين جه اخدها خالد وفي اليوم ده كانت رايحة تشوف شقة وخالد

المهم مشى ابوها وراها لحد اما عرف هيا رايحة فين وراح وراها لحد الشقة

وهو طالع للشقة كان خالد نازل يجيب حاجات وجاى وابو عبير ماخدش باله المهم رن جرس الباب

فتحت عبير الباب وانصدمت اول ماشافت باباها

ابوها اول ماشافها قعد يضربها وبعدين هيا جريت منه وراحت المطبخ

ومسكت السكينة بتهدد بيها ابوها وهيا خايفه علشان يسيبها بس وابوها كان بيضرب فيها وغصب عنها
طعنت ابوها بالسكينة في صدره

وقع الاب علي الارض مغمى عليه

وجه خالد وشاف الموقف وقال لعبير شيليه معايا بسرعة للحمام

وحطوه في ((البانيو)) وملوه ماية وحطوا عليه مسحوق للغسيل (تايد )_ لو تعرفوه يعنى_ عشان الرغوة وطلعوا...

ورجعت البنت للمدرسة وهيا تفكر في اللى حصل ده حقيقة والا خيال..وبتفكر طول السكه في اللي حصل ومش مصدقه ده حلم ولا علم...؟؟

المهم طلعت من المدرسة ورجعت مع الباص بتاع المدرسة للبيت وهيا بتخبط علي باب البيت

لقت المفجأة الغريبة

ابوها فتح لها....

فصـــــرخت وقاااالت : بابا مش معقول

رد ابوها :

^
^
^

^
^
^

مع تايد في الغسيــــــل مافيش
مستحيـــــــــــــــــــل

موضوع: رد: قصه بنت اسمها عبير 2009-11-13, 01:02

حرااااااااااااااااااااااااااااااااااام اعصابى بااااااااااااااااااااااظت معقول كدا :( تبعت والله وانا بقرها بس جامده
وفيها حكمه ياريت تفهموها sigh

موضوع: رد: قصه بنت اسمها عبير 2009-11-13, 01:15

ربنا يسامحك دمى نشف

بس يلا مقلب حلو منك يا قممر

موضوع: رد: قصه بنت اسمها عبير 2009-11-13, 04:39

مهي عبير مغفله لو كانت استعملت اريل مكنش رجع تاني

شكرا عزيزتي على الموضوع

موضوع: رد: قصه بنت اسمها عبير 2009-11-13, 12:44

ههههههههههه

ميرسي لمروركم نورتو الموضوع

» تفاصيل "موقعة عبير"
» كذبة أبريل غوغل تغير اسمها وبيكام يقود منتخب أستراليا
» جراحة دقيقة تمنع عبير صبري من صيام رمضان