مع أو ضد فى سطرين؟؟؟؟

موضوع: مع أو ضد فى سطرين؟؟؟؟ 2009-10-15, 01:18

بســــــــــــم الله الــــــــــرحمن الــــــــــرحيم

يارب تكونو بألف خير
النقاش ووجهات النظر المختلفه موجود بكل مكان فإنه يساعد العضو على إبداء رأيه دون مشاركة أو وصاية من أحد...
الموضوع ببساطة هو :
هل أنت مع أو ضد .................؟
::
::
كل عضو يشارك في الإجابة فإن عليه أن يطرح سؤاله قبل المغادرة
ومن ثم يأتي العضو الآخر ويجيب على السؤال ثم يطرح سؤالاً جديداً ...
الباب مفتوح في جميع القضايا الاجتماعية المهمة ..ومطلوب الجدية في الأسئلة والأجوبة إذا رأيتم ذلك ..
::
::
::
السؤال :
هل انت ضد تواجد الفتيات في عالم النت؟؟؟

موضوع: رد: مع أو ضد فى سطرين؟؟؟؟ 2009-10-15, 12:43

أولا احب اشكرك ع الموضوع اللى فتحتيه لانه مهم بجد

لا طبعا الفتيات زيها زى اى انسان

بس مش من حقها او مش من حق اى حد ان يكون الموضوع زياده عن اللازم لو لإستخدام معين وخلاص
واكيد الانترنت سلاح ذو حدين لاى شخص بيدخل عليه ( مش شرط الفتيات)

تسلم ايدك التوبك

موضوع: رد: مع أو ضد فى سطرين؟؟؟؟ 2009-10-15, 12:48

مرسى ياحمد على مروك بس فين سؤالك

موضوع: رد: مع أو ضد فى سطرين؟؟؟؟ 2009-10-15, 13:09

ما ختش بالى
طب نقول مثلا

هل انت مع او ضد تاخر سن الزواج

موضوع: رد: مع أو ضد فى سطرين؟؟؟؟ 2009-10-15, 13:17

مع
بس مش لازم يتاخر كتير يعنى فى حدود28علشان يعنى يكون فى نضج وتحمل مسؤليه وفهم للحياه والمجتمع وعلشان برده الزواج يستمر
مع او ضد صداقه ولد مع بنت

موضوع: رد: مع أو ضد فى سطرين؟؟؟؟ 2009-10-17, 13:10

ليه لا مش شرط الصداقه تقتصر مع ولد وولد او العكس للبنات اهم حاجه يكون فى احترام متبادل بينهم وبين بعضهم اكيد ها تكون صداقة ناجحه .

مع او ضد تدخل الأهل فى مستقبلك حتى لو انت شايف انه مش هو ده اللى انت عاوزه

موضوع: رد: مع أو ضد فى سطرين؟؟؟؟ 2009-10-17, 17:23

اعتقد ضد بس احيانا مع يعني مش في كل حاجه اوقات احنا مش بنشوف الصح واعتقد ممكن بالنصيحه
كفايه انهم يستخدموها لكن محبش الضغط واكيد دي حياتنا احنا لان حياتهم هما عاشوها يسبونا احنا نجرب ونتعلم بس اعتقد في وقت بيكون لازم هما
يتكلمو واعتقد ان دا برضو من حقهم علينا
ايه اكتر الم ممكن يوجع الواحد؟
الالم النفسي
ولا الحب
ولا الموت
ولا الخيانه
ولا عدم تحقيق اي امل ؟
والسبب

موضوع: رد: مع أو ضد فى سطرين؟؟؟؟ 2009-10-19, 19:31

اكتر الم الم الخيانه اصعب حاجه فى الدنيا الخيانه عشان لما تحب حد كصديق اوحبيب
ويخونك مش هتعرف تختار اللى يبقى صديقك او حبيبك لان فيه كذا نوع للخيانه
ومش هتقدر تنسى خيانه اعز الناس ليك بتبقى طعنه جوا قلبك
(الم النفس بيتداوا.. الم الحب ممكن تحب وتتداوى حبك بحد احسن .. الم الموت " الموت علينا حق وربنا بيلهمنا الصبر واحيانا بننسى ".. اما الم عدم تحقيق الامل " الفشل بدايه النجاح )

مع او ضد التعليم فى مصر؟

موضوع: رد: مع أو ضد فى سطرين؟؟؟؟ 2009-10-20, 18:50

ضد التعليم طبعا انا اعتبره تعليم فاشل ومناهج صعبة وهما اصلا قبل ما بيعلموا الطالب بيدمروا نفسيته وكمان بيخربوا جيب اهله

هل انت مع القانون الجديد بنزع النقاب في المدارس والجامعات ؟

موضوع: رد: مع أو ضد فى سطرين؟؟؟؟ 2009-10-20, 20:43

لالالالالالالالالالالالالالالالالالالالالالالالالالالالا طبعا

بجد حسبى الله ونعم الوكيل فى شيخ الازهر

وربنا ينتقم من الظلمة يا رب

وعلى فكرة نسبة المنتقبات هتزيد مش هتقل

هل انت مع زواج الصالونات ولا ضد؟

موضوع: رد: مع أو ضد فى سطرين؟؟؟؟ 2009-10-22, 02:13

بصى هو مش فرقه كتير لانها هيا مش بتوافق غير لما بتعقد معاه مره وتعرفه وتكون مقتنع بيه
انا بصراحه هقول مع لانه بينجح لان الواحد بيكون شارى الواحده وراح لحد البيت لكن الزواج اللى بيجى نتيجه حب بجد والله بيقى اغلبيه مشاكل لكن الصالونات بيكون مبنى على عقل وحكمه علشان كده بينجح وهو ده المطلوب وعرفى مافيش وحده بتعمل الحاجه غصب
مع او ضدخروج الشاب مع خطيبته بمفردها

موضوع: رد: مع أو ضد فى سطرين؟؟؟؟ 2009-10-23, 16:45

ضد طبعا بس اظن لو من الاهل وموثوق فيه اوي ممكن بس شرعا مينفعش

الا لو في عقد قران وفي الحاله دي ممكن يخرجو مع بعض وليهم الحق

ضد او مع ان يكون في حب بين بنت و ولد

موضوع: رد: مع أو ضد فى سطرين؟؟؟؟ 2009-10-24, 09:32

مع
بس يكون فى حدود فى التعامل ويكون فى عقل فى الحب يعنى قبل ماتحب تعرف ده هينفعها بعدين هيا ممكن تتكتشف حاجات بعد ماتحب لكن فى حاجات لازم تعرفها قبل ماتحب زى مستقبله والتكافؤ علشان الموضوع ينجح وش يتعبو بعدين
مع او ضدضرب الا طفال فى الغلط؟

موضوع: رد: مع أو ضد فى سطرين؟؟؟؟ 2009-10-24, 11:51

التربيه عموما ليها وسيلتين الاولى وهى بالمشاركه من الاب والام بالمناقشه والحوار مع الابناء وتعليمهم فى المواقف اللى بتمر عليهم عشان يقدروا بعد كده يواجهوها لو قابلتهم تانى ودى طبعا الوسيله الافضل

والتانيه اللى معظم بيستخدمها وهى العقاب البدنى او العنف واى حد اكيد ضده لانه بيسبب للطفل مشاكل ف السلوك بتخليه شخص عدوانى وبتسببله مشاكل نفسيه كتير
بس لو الاب لقى ان دى طريقه افضل لرده ف الغلط يستخدمها لانها اكيد ها توقفه لانه ها يبقى طفل اكيد عدوانى

مع أو ضد الفضائيات الكتييييير اللى بتطرح مواضيع فى الدين وبتصدر احكام ف الفتاوى ؟

موضوع: رد: مع أو ضد فى سطرين؟؟؟؟ 2009-10-24, 16:55

تسلم ايدك يا احمد علي الرد الجميل اوي دا عجبني طريقتك في الكلام وطريقه ردك

وانا ضد الفضائيات الي بتطرح مواضيع في الدين وخصوصا القنوات المتنوعه الي شويه تلاقيها جايبه اغنيه وفيديو كليب بشع وبعديها يجيبو الشيخ ويفضل يحكم ويقول ويطرح مواضيع يسيبو القنوات المخصصه بس هيا الي تعرض المواضيع دي

وسؤالي انت مع ولا ضد

ان في مخلوقات فضائية

ولو مفيش منين جت الاطبقا الطائره وقصص الناس الي بتقول شفنا وشفنا؟!!!!!!!

موضوع: رد: مع أو ضد فى سطرين؟؟؟؟ 2009-10-27, 10:45

انا مش هعرف ارد على سؤالك يلاف لانى متعودتش اقول حاجه غير لما شوف بعنيا وياريت اى اعضاء المنتدى يقولو رايهم برده فى ده

موضوع: رد: مع أو ضد فى سطرين؟؟؟؟ 2009-10-27, 11:19

هههههههههاى مافى حاجات كتيره مش بتشوفيها وتقولى رأيك

زى ما قلت قبل كده ما سمعتش عنها غير ف الافلام الاجنبى بس او طبق اليوم مش فاكر

موضوع: رد: مع أو ضد فى سطرين؟؟؟؟ 2009-11-01, 10:02

انتو سكتو ليه طب نقول حاجه غيرها

مع او ضد الهجره للعمل فى مكان خارج البلد وخاصة الشباب ؟

موضوع: رد: مع أو ضد فى سطرين؟؟؟؟ 2009-11-01, 18:51

مع بس يا ريت تكون هجرة شرعية

مش هرب زى اللى بنشوفه اليومين دول

واشمعنى خاصة الشباب يعنى والشابات برضو

انا نفسى اهاجر برضو بس تيجى الفرصة وانا هروح

اممممممممممممممممم معنديش الحقيقة سؤال حاليا او قضية نناقشها

يا ريت اى حد يحط سؤال غيرى

معلش يا جماعة اصلى تعبانه شوية

موضوع: رد: مع أو ضد فى سطرين؟؟؟؟ 2009-11-02, 09:57

الف مليووووون سلامه يا ديما

واقول بدالك

مع او ضد ( فترة حكم الرئيس اوباما حتى الآن ) بعد التصريحات اللى قالها من تغيير العلاقات بين الشرق والغرب من اول يتولى فيه الحكم .

موضوع: رد: مع أو ضد فى سطرين؟؟؟؟ 2009-11-03, 00:22

والله هو قال حاجات كويسه وعمل حاجات كويسه بس ياتري هيكمل كل الوعود ولا ايه الي هيحصل محدش عارف

ربنا يهدينا وخير يامسهل يمكن حال البشر يتعدل ونبطل حروب في بعض الدنيا والله مش مستاهله

موضوع: رد: مع أو ضد فى سطرين؟؟؟؟ 2009-11-03, 00:24

السؤال دا بقي صعب شويه

ايه رايكم في المنتدي وايه المميزات الي فيه وايه العيوب واقتراح جديد للعيب الي فيه

موضوع: رد: مع أو ضد فى سطرين؟؟؟؟ 2009-12-04, 12:08

طبعا مش عايزه كلام منتدى من احلى المنتديات اللى عرفتها كغيه اللى فيه ناس بجد جميله ومحترمه واساسا المنتدى محترم
مع او ضد لبس البنات البنطلون؟

موضوع: رد: مع أو ضد فى سطرين؟؟؟؟ 2009-12-04, 17:27

اولا ميرسي ياقمر ع التوبيك الحلو
الي سمح لنا نشارك ارانا

اما بقي بالنسبه لسؤالك
انا ضد البنطلون بتاع اليومين دول طبعا انتي فاهماني
مع أو ضد فى سطرين؟؟؟؟ 656435

بس البنطلون حشم وعليه حاجه طويله للركبه او كده
فا انا بشجعه جدا وبل احسن من الجيبات
لان في الزمن الي احنا فيه ده محتاج للبنت لبس عملي
والبنطلون الواسع الحشم احسن زي بالنسبه لي للبنت
بس

سؤالي بقي
مع او ضد الاغاني الشعبي الي انتشرت بصوره كبيره بين الشباب اليومين دول ؟؟؟؟؟

موضوع: رد: مع أو ضد فى سطرين؟؟؟؟ 2009-12-04, 18:26

طبعا انا ضددها جداااااااااااااااااااااا

ومش عارفه بسراحة ازاى الناس بتقدر تسمعها

الاغانى دى بجد بتسئ لينا جدا ده غير الكلام المش محترم اللى فيها

مع او ضد الزى الطويل للبنت بس ضيق؟