معبد ابو سمبل

موضوع: معبد ابو سمبل 2009-08-26, 22:43

معبد ابو سمبل
معبد ابو سمبل Zjxa2h

المعبد دة باة حكايتة حكاية
بصوا باة معايا
اولا شكلة رائع والفريد من نوعة فى مصر
وانة مبنى داخل الجبل
المعبد دة اللى بناة رمسيس التانى
بناة لسببين
بناة للتقرب من الالهه
2 علشان يبين للاهل السودان قد اية هوة ملك قوى وشجاع
ومحدش يحاول يقف قدامة
فاهمين انتوا طبعا النوع دة
ما علينا
نرجع للمعبد موش عايزين نتكلم فى السياسة
المكان دة موش مكانة الاصلى
المعبد كان هيغرق نتيجة لبحيرة ناصر اللى تابعة من بناء السد العالى
وقامت منظمه اليونيسكو وكثير من الدول فى المساعدة فى نقلة وكمان معابد تانية
ودة المكان الاصلى
معبد ابو سمبل 30xd2r9

وهنلاقى فوق التماثيل صور لقرود صغيرة لاله الشمس
لان كانت القرود بتفرح وتهلل عند شروق الشمس
زى ما احنا شايفين كدة الواجهة عبارة عن 4 تماثيل ضخمين للملك وهوة لابس تاج مصر العليا والسفلى

معبد ابو سمبل 2a8fgiu

وهنلاحظ ان فى تمثال مقصور
دة مقصورمن ايام عمو رمسيس من زلزال
وبين رجل الملك فية تماثيل صغيرة
التماثيل دية لامة وبعض اولادة لان اولادة بسم الله ماشاء الله عليهم اكتر من 100 شخص
و3 تماثيل لزوجاتة الرسميين
طبعا ورا الرسميين دول موش محتاجة اوضح
انهم كتييييييييير
ودية صورة زوجتة الملكة نفرتارى
معبد ابو سمبل 2j17red

وبجوار التمثال فية منظر للاله النيل
فى النص وتحتة العبيد اللى استولى عليهم رمسيس من حروبة
معبد ابو سمبل 28tartw

كفاية كدة واجهة باة
ندخل جوة
اول ما هندخل هنلاقى
صالة على كل جانب تماثيل للملك على شكل الاله اوزوريس
وفى سطح الصالة مزينة باجنحة للطيور الجارحة بتمثل النجوم
معبد ابو سمبل Rauk2d

زى ما انتوا شايفين ان فى نقوش خلف التماثيل دية
حيث انها بتحكى لنا معركة قادش
المعركة دية رمسيس بيقول انة انتصر فيها
لكن الحيثيين بيقولوا انهم انتصروا
وانتوا عارفين باة الشعب المصرى لما بيفشر
بيطلع الفشر فى احلى حالاتة
والدليل انة موش انتصر انه موش استولى على مدن ولا اى حاجة خااااااااالص
ودية صور للمعركة
معبد ابو سمبل 125j2fr

العدو بعت لرمسيس معلومات غلط ففصلوة عن جيشة
وهوة باة بشجاعته واخد بالك انت قدر يلحق بيهم الهزيمة
ما علينا انتصر هوة
نكمل الصور

وبعد ما انتصر باة
بياخد الاسرىموش بلين معاملة اسرى باة
ويقدمهم للاله
معبد ابو سمبل Qo867s

بعد كدة ندخل على الغرفة التانية
وفى اخرها فيها باب بيودى الى 6 غرف
الغرف دية باة مزخرفة للملك وهوة بيتعبد لبعض الالهه
زى امون وحورس بتاح والهه كمان كتييييير
وفية غرف بتبقى الزخارف مكررة
معبد ابو سمبل S0y6vt

وبعد كدة هنلاقى فى اخر غرفة دهليز مزخرف
الصور اللى فية موش تختلف كتير عن الدهليز

وبعد كدة با هندخل غرفة اسمها قدس الاقداس
الغرفة دية فيها 4 تماثيل
واحد للاله امون كان اله مهم فى الاقصر"طيبة" وبتاح دة
اله اللى خلق عاصمة مصر "ممفيس" وحور اختى دة شكله راس الصقر وهوة الة
الشمس وتمثال لرمسيس
فية باة حاجة غريبة فى الغرفة دية بتحصل
الشمس بتدخل للمكان وتسلط الشمس على التماثيل دة يوم فى السنة الساعة 6 و24 دقيقة فى يوم 22 فبراير
والغريبة ان المكان دة بعيد عن المدخل ب60 متر
بيقولوا انة يوم تتويج الملك
معبد ابو سمبل 295zme8

قدام المعبد دة فية معبد تانى
بناة رمسيس لزوجتة اللى بيحبها
نفرتارى
واخدين بالكوا انتوا
بيحبهااااااا
وللاله الحب"حاتحور"
ودة صورة

واول ما هندخل هنلاقى اعمدة للملكلة فى راس حاتحورية
معبد ابو سمبل 2weax6o

يارب المكان يكون عجبكوا
واستنونى فى مكان اثري جديييييييد

موضوع: رد: معبد ابو سمبل 2009-08-26, 23:28

الله كانت رحلة جميلة اوى

ايه الحلاوة دى جمييييييييييييييييييل اوى

بس يا سمكه فى معركة قادش محدش يعرف مين انتصر رمسيس ولا الحيسيين

مش عايزين نظلم الراجل كل فريق منهم بيقول هو اللى انتصر

وتقريبا ان ولا رمسيس كانوا 100 ذكور و100 اناث على ما اذكر

ايه ده انا نسيت ولا ايه يا فرحتك بيا يا دكتورة ايمان

شكلى هروح اذاكر من اول وجديد

المهم تسلمى يا جميلة وعايزين رحلات تانية كتيييييييييييييييييييييير

موضوع: رد: معبد ابو سمبل 2009-08-26, 23:51

مرسي ياقمر لمرورك ومناقشتك

وانا فاكره ان اخدنا عن معركه قادش وان نهايتها غير واضح مين انتصر
بس مفيش دليل نقول انه انتصر اكيد يعني

عموما يسلم لي مرورك يا قمر

» معبد ابو سمبل
» معبد الرامسيوم
» معبد فيلة
» معبد الاقصر
» اكبر معابد العالم القديم ( معبد الكرنك )