سؤال عجيب مش كده؟ ههههههه
اكيد كلنا متعلمين الارقام من واحنا فى اولى ابتدائى يعنى
تصدقوا ان بالارقام اللى احنا اتعلمناها دى
معانا بيها مفتاح لحل كللللللللل مشاكلنا فى الحياه
وهى الارقام ليها علاقة بحل المشاكل؟؟
اه طبعا علاقة كبيرة ومهمة جدا كمان!
لو انت بتعرف تعد الارقام دى نعمة كبيرة اوى
هتوصلك لراحة نفسية وعلاج لكل حاجة مضيقاك
تعالوا نشوف ايه حكاية الارقام دى
عارفين ايه حكاية الارقام؟
بتحل مشاكل كتيرة اوى
مين مننا معندوش مشاكل فى شغله؟
أو فقد حد من أهله بيحبه أو ضاعت عليه فرصة كان مستنيها؟
أو مرض وتعب لا قدر الله أو أو أو ومش عارف يعمل ايه!
فى حل نفسى لكل المشاكل دى وغيرها كتير
عارفين ايه هوا الحل؟ تيجوا نكتب نعم ربنا علينا!!
هنبتدى نرقم النعم ونقول كل حاجة فى دماغنا
ولما تشوف قدامك جزء بسيط من نعم ربنا اللى انت كتبها
لان نعم الله لا تعد ولا تحصى
هتحس بايه ده سبحان الله!! بقى انا عندى كل النعم دى
ونايسها وناسى شكر ربنا عليها
وبفكر بس فى اللى مضايقنى واللى نقصنى!!
زى اللى عنده قصووور من ذهب
وأعد مضايق انه معندوش قطعة فضة....
ده نسى انه عنده ثروة كبيرة ممكن تغنيه عن أى حاجة
بس يكون عنده قناعة
عايزين نفتكر دايما نعم الله علينا فى وقت الرخاء والشدة
لان قيد النعمة الشكر
كل ما هتشكر ربنا كل ما بكده بتحافظ على نعمه عليك
يالا نكتب نعم الله علينا حتى ولو شايفنها بسيطة
ونشوف مين فينا اللى هيكتب اكبر عدد من النعم
ونقلده باننا نفتكر قدر استطاعتنا نعم الله
يالا نجربها مع بعض وقولولى حسيتوا بايه بعد كتابة النعم؟
وأد ايه هيكون فى راحة نفسية كبيرة ورضا عن الله سبحانه وتعالى
بس متنسوش فى كل مرة تكتبوا الحمد لله على نعمة كذا
عشان معنى الحمد يثبت فى أذهاننا وتبقى كلمة متكررة على لساننا
وإن تعدوا نعمة الله لا تحصوها إن الإنسان لظلوم كفار))
موضوع: بتعرف تعد لحد كام ؟قول ضرورى جدااااااااااااااااا؟ 
2009-08-19, 14:40
