اهرامات الجيزه

موضوع: اهرامات الجيزه 2009-08-09, 00:00

الاهرامات

كتير مننا عارف اهرامات الجيزة
وعارفين انها كانت احدى عجائب الدنيا السبعة
التى مازالت موجودة
وعارفين اسم اللى بناهم
فسبونى باة اتعلم فيكوا شوية واقؤلكم شوية معلومات عنهم
الاهرامات الثلاثة موجودين فى الجيزة
هتقولولى مجبتيش حاجة جديدة
هقؤلكم اصبرو شوية
كتير من التجارب اتعملت علشان يعرفوا ازاى الناس بنت الاهرامات دية وازاى نقلوا الاحجار الضخمة دية
وفى اللى قالوا انهم بالحبل والسحب والكلام دة كلة
لكن باة اخر ما توصل لة العلماء انهم كان بيبنو منحدر من الطوب اللبن
وجسور ويبنوا عليها الهرم وانهم كانوا بيبنوا الغرف داخل البنى يعنى وهما
بيبنوا الهرم يبنوا الغرف بالمرة وهقؤلكم قدام على الدليل
وبعد ما بيخلصوا الهرم بيهدوا الطوب اللبن دة
احنا اول ما هندخل هنلاقى قدمنا التلات اهرامات وابو الهول قدامهم
اهرامات الجيزه Dwxfnp

بصوا علشان مطولش انا هتكلم الاول عن هرم خوفو"الهرم العظيم"
اهرامات الجيزه 2jdrjaw

الملك خوفو :يعنى اسمة هو الذى يحمينى
استغرق بنى هرمة 20 عام كانوا الناس بيشتغلوا فى فصل الفيضان بس يعنى فى وقت فراغهم
والسنة عند المصرى القديم بتتقسم الى 3 فصول
صيف - شتاء - فيضان
بناة 100 الف شخص
والناس دية باه بنت الهرم دة حبا فى الملك لانهم كانوا بيعتبروة ابن الاله
ويتكون الهرم من 2مليون و300 قطعة ومتوسط وزن القطعة يصل الى 2ونصف طن واحيانا تصل الى 80 طن

يقول هيردوت والعلماء الفرنسيين اننا لو قطعنا الحجر دة الى قطع متساوية يمكننا عمل سور حول فرنسا بارتفاع 3 متر
وبيقولوا ان محمد على كان عايز ياخد الطوب اللى مبنى بية الهرم ويبنى بية القناطر الخيرية لكن غير رائية لان من المحجر هتكون ارخص

كان يبلغ ارتفاع الهرم 147 متر لكنة اصبح 136 وذلك لان فى العصر الاسلامى اخدوا منة حجر وبنى مبانى اسلامية
وهوة اكبر هرم فى الارتفاع بين الثلاثة
الهرم دة باة لية مدخلين
هما فوق بعض زى اللى فى الصورة
اهرامات الجيزه 35bdr0o

المدخل اللى تحت دة اللى بناة الخليفة المائمون
بيقع فى الدور السادس وطبعا المدخل دة اتبنى من الخارج للداخل وهوة دة المدخل الرئيسى دوقتى
لان المبنى الاصلى اللى فوق دة كان متغطى يعنى موش ظاهر
اول ما ندخل باة
هنلاقى ممر طويييييييييييييييييييل جدا
مائل للاسفل طولة 105 متر وطبعا انت هتنزل على ركبك لانك موش هتعرف تقف وهيوديك الى اول غرفة والغرفة دية غير مكتملة

This image has been resized. Click this bar to view the full image. The original image is sized 980x652.

في ممر فى
الغرفة دية اسمة ممر الهروب عملة اللصوص اللى كانوا بيدورا على الذهب وبيودينا للغرفة التانية
اهرامات الجيزه Jrtzrn

الغرفة دية بيسموها غرفة الملكة
مع انهم مش لاقوا حاجة جواها خالص
سطح الغرفة بيبقى عامل زى المثلث
وبردوة الغرفة مش كانت خلصت فى البنى
وحتى الان محدش عارف يدخلها واستطاعوا انهم يدخلو كاميرا توقفت الكاميرا على بعد 65 مترعند الحائط دة
اهرامات الجيزه 30m7n9k

ها لسة معايا ولا تهتوا
فى ممر تالت باة
بيودينا الى تالت غرفة وهية غرفة الدفن للملك
وملاقناش فيها غير تابوت التابوت دة بقة حجمة اكبر من مدخل الغرفة طويب
ازاى دخلوة للغرفة دة دليل انهم كانوا بيبنوا الحاجة فى وقتها
اهرامات الجيزه 21c8qhv

ودة شكل السقف بنوا فوقها 5 غرف صغيريين علشان العرم مش يتهد عليها
اهرامات الجيزه 291fj9d

كدة خلصنا هرم خوفو
قريب من الهرم يوجد مبنى
المبنى دة فية مركب
بيقولوا عليها مراكب الشمس
حول هرم خوفو فية خمس مراكب
بس مش قدروا يطلعوا غير واحدة بس
وهية مبنية من خشب الارز
قصتها اية باة المراكب دية
بيقولوا انها هية اللى كانت هتنقل الملك الى الحياة الاخرى
اهرامات الجيزه Xkvyic

وهنلاقى حولين الهرم بعض الاهرامات الصغيرة ومسطبات
دول لدفن اقارب الملك والموظفين المهمين فى الدولة
وهنلاقى مقبرة حتب حرس والدة خوفو
مقبرتها كانت فى دهشور بجوار هرم والدة سنفرو
لكن هوة نقلها علشان مش تتسرق
وبردوة اتسرقت بس موش كلها
والحاجات اللى لاقيناها فيها دوقتى فى المتحف المصرى

نيجى باة على عمو خفرع
ودة شكل قمة الهرم كان بيعملوا شكل صغير للهرم من الجرانيت واحيانا كان يطلى بالدهب علشان يعكس ضوء الشمس
اهرامات الجيزه 2whiiq9

ارتفاعة 134 متر
لو روحنا هنالك هنلاقى ان هرم خفرع اعلى نسبيا من هرم خوفو فى الارتفاع ودة علشان هرم خفرع مبنى على هضبة مرتفعة كما فى الصورة
اهرامات الجيزه Bg42lf

ودة شكل الهرم من جوة

اهرامات الجيزه 2yzed0h

ودة التابوت بس كان فاضى بردوة
اقام خفرع بعض المعابد بجوار الهرم لكن دوقتى اصبحت بقايا
[size=16] اهرامات الجيزه N5n0w4

معبد الوادى للملك خفرع من الداخل.
و يتم فى هذا المعبد استقبال الملك اثناء زيارته
للأشراف على بناء الهرم أو لاستقبال الزائرين و الوفود بعد موت الملك
لتقديم القرابين .
و قد عثر داخل معبد الوادى الخاص بالملك خفرع على تمثال من الديوريت موجود الآن بالمتحف المصرى
حاليا يوجد داخل هذا المعبد بئر صغيره يروج لها البعض انه إذا ألقى بها شخص قطعه من النقود و تمنى أمنيه فإنها تتحقق
نيجى باة
لهرم منكاورع
وهوا صغر هرم
ارتفاعة 66ونصف متر
يعنى نصف ارتفاع الهرمين التانيين
ودة يدل ان البلد فى الوقت دة كانت بتمر بازمة اقتصادية

ابو الهول
اهرامات الجيزه 21dr7ur

اللى بناة هوة خفرع
بعد ان بنى التلات اهرمات
اتفضل قطعة حجر فى المكان كانت مخلية المكان شكلة وحش
وكانت خامتها وحشة جدااا
قام خفرع باة خلى الناس تنحتها على الشكل دة
واللى حمى التمثال للوقت دة ومخلهوش يتهد
ان معظم الوقت كان مدفون تحت الرمال
اهرامات الجيزه 2hex3jo

طولة 60 متر وارتفاعه 20 متر
وهوة وجه انسان وجسد الاسد
طويب لية اختاروا الشكل دة حتى ياخذ قوة الاسد وحكمة الانسان
حتى يحمى مجموعة الاهرامات
الوجه يرتدى القلادة الملك وكانت لة لحية تركب الان فى المتحف البريطانى فى لندن
اهرامات الجيزه 2qnv9mq

ارتبط بة كثير من الاساطير
حيث انك تجد امامة لوحة من الجرانيت"لوحة الحلم"
لتحتمس الرابع من الاسرة ال18 يقول فيها انة كان راجع من رحلة تعبان فنام تحت ابو الهول فخير اللهم اجعلة خير
جالة فى الحلم عمو ابو الهول وقالة
"لو انت شلت عنى الرمل دة انا هخليك ملك على مصر" وبالفعل دة اللى حصل

لو لاحظنا هنلاقى ان انف ابو الهول موش موجودة
فى ناس بتقول ان نابليون هوة اللى كسرها
لكن دة موش صح
الصح باة : ان فى واحد من الصوفيين اسمة صائم الدهر
اعتقد انة تمثال للعبادة زى الاصنام كدة وحاول يدمرة
لكن مقدرش غير على انفة فقط
اهرامات الجيزه 2cx6m8x

وبكدة تكون خلصت رحلتنا[/size]

موضوع: رد: اهرامات الجيزه 2009-08-12, 12:48

جميله اوي الرحله تسلم ايدك

بس نصيحه محدش يدخل الهرم من جوه الي هيدخل ونفسه مش طويل مش هيطلع

موضوع: رد: اهرامات الجيزه 2009-08-12, 19:56

جميييييييييييييييييييييييييل جدا يا سمكه

والله حست انى روحت وجيت فى الرحله دى

تخصص بيريح

تسلم ايدك يا قمر مستنى اكتر

تحياتى

» اهرامات مصر