شوية نكت جامدة موووووت

موضوع: شوية نكت جامدة موووووت 2009-07-29, 22:46

مره واحد بخيل قوى خبط فى حيطه اتعور جامد اوى وقعد ينزف، شافه واحد عسكرى قاله اشوفلك دكتور قاله لا شوفلى حد يشترى الدم اللى نازل دا.

* مرة واحدة قالت لحبيبها البخيل "أكلها معاك بدقة أعيش معاك فى جحر" قال لها انتى ليه مادية قوى كدة يا حبيبتى.

* بلدياتنا جاب عربيه أوتوماتيك.. قطع رجله الشمال.

* اتنين مساطيل طينة طلبت معاهم إن أول واحد هيعدى من الشارع يقطعوا رقبته ويلعبوا بيها كورة فلقوا واحد معدى من الشارع وكان مسطول أكتر منهم، المهم وقفوه وقالوله احنا طلبت معانا نطير رقبتك ونلعب بيها كورة راح مطلع سكينة وضربها فى دماغه وقالهم دا انا افسيها ولا تلعبوا بيها.

مرة واحد مخنوق من الدنيا كلها رن جرس الباب الساعة 10صباحا فتح الباب لقى وحدة مذيعة بتقله ممكن نعرف بتعمل ايه لما تقوم من النوم قال انا بقوم من ام النوم اروح ام الحمام افتح ام الحنفيةاغسل ام وشى اروح ام الغرفة اقلع ام الترنج البس ام البنطلون انزل من ام الشقةاركب ام الاتوبيسانزل من ام الاتوبيس اروح ام الشغل وبعد ما اخلص ام الشغل ارجع ام البيت وخلاص فقالت المزيعة شكرا يا فندم ويلعن ام البرنامج اللى خلانا نشوف ام وشك.

*********

واحد صعيدي كان مسافر فلما وصل المطار لقاهم مركبين جهاز جديد عبارة عن مرايا لما تقف قدامها تعرف عنك كل حاجة, فالصعيدي انبسط و راح وقف قدام المراياالمرايا قالت: أنت هريدي من الصعيد و عندك طيارة كمان نص ساعةالصعيدي اتبسط و راح لبس خواجه و راح تاني وقف قدام المرايا,المرايا قالت: انت هريدي من الصعيد و عندك طيارة كمان ربع ساعةالصعيدي راح لبس خليجي و راح تاني وقف قدام المراياالمرايا قالتله, ايوة انت هريدي من الصعيد خليك قاعد تستهبل كده لحد ما الطيارة تروح عليك

********

ابو العربى قابل مذيعة قالت له انا سمعت كتير عن بطولاتك فى الحرب...قالها طبعا ابو العربى يسد فى كل مكان فى 48 واليمن و56 و67 و73 والعراق...قالت المذيعه طب هأسألك كام سؤال...- لو انت فى الحرب وطلع عليك دبابتين ومعاك قنبلتين هتعمل ايه؟-قالها: هادخل عليهم وأفجرهم-طيب لو خمسه؟؟؟؟؟؟قالها: هادخل عليهم بالسلاح الأبيض-طيب لو اربع دبابات... و عشر عساكر... وطيارتين؟ قالها جرى ايه يا وليه هو مفيش حد بيحارب

غيرى وللا إيه؟؟؟

* صحفيه تجرى لقاء مع واحد من ملاّك الأبقار:

أنت بتأكــــل البقر إيه ؟

المزارع: انهي فيهم البيضا ولا الحمرا ؟؟

قالت : البيضا

قال : البيضا بأكلها برسيم

قالت : والحمرا

قال : و الحمرا برضو برسيم

قالت :طيب بتسكنهم فين؟

قال : انهي فيهم البيضا ولاالحمرا؟؟

قالت : البيضا

قال : البيضا بسكنها في الحوش اللي هناك

قالت : والحمرا

قال : و الحمرا برضو بسكنها في الحوش نفسه

قالت : طيب لما بتفسحهم بتعملهم إيه ؟

قال :انهي فيهم البيضا ولا الحمرا ؟؟

قالت :البيضااااااااااااا

قال : البيضا بلف بيها حول الترعه لفتين

قالت : والحمرا

قال : و الحمرا برضو بلف بيها حول الترعه لفتين

قالت : انتا ليه كل مره اسئلك بتقولي انهو فيهم انهو فيهم وفي الاخر بتعاملهم زي بعض؟

قال : اصل البقره البيضا بتاعتي

قالت : والحمرا؟؟

قال: والحمرا برضو بتاعتي

* واحد وقع من الدور الثاني لقى مصرعه، وواحد وقع من الدور الرابع لقى حتفه، وواحد وقع من الدور الثامن لقى الاثنين مع بعض

موضوع: رد: شوية نكت جامدة موووووت 2009-07-31, 00:13

النـــــــكــــــــــت جمييييييله يانــــانــــــــا

موضوع: رد: شوية نكت جامدة موووووت 2009-08-01, 17:40

ميرسي علي مرورك الاجمل

موضوع: رد: شوية نكت جامدة موووووت 2009-08-03, 20:07

النكت دى جميله اوى يا نانا تسلم h3h3

ايدك

موضوع: رد: شوية نكت جامدة موووووت 2009-08-16, 18:51

ميرسي علي المرور ياقمر