ازاي نصحي نصلي الفجر؟؟؟

موضوع: ازاي نصحي نصلي الفجر؟؟؟ 2009-07-24, 18:40

كلنا عارفين أد ايه صعبة اننا نصحي نصلي الفجر,و ممكن تكون من أصعب الحاجات علي المسلم
فان شاء الله هنقول مع بعض هنا شوية حاجات تساعدنا علي اننا نصحي الفجر ان شاء الله

أول خطوة : أول و اهم حاجة النية, النية,و النية!! لازم تخلي نيتك واضحة أدامك, و تسأل نفسك # أنا بقوم علي الفجر ليه؟؟؟

أنا بقوم عشان أقول لأصحابي اني بصحي بليل عشان أصلي الفجر ,فيقولوا دة جامد اوي ما شاء الله!!!

ولا بقوم عشان أصلي عشان ربنا ,و هو أمرني بكدة و عشان بحبه و عايز أرضيه, و عشان الصلاة ركن أساسي من أركان الاسلام و الفجر صلاة من الصلوات,فرض علينا بزبط زي ما صلاة الظهر فرض علينا, و زي ما أنا مش برضي أفوت المغرب و أصليه قضاءعشان هو فرض ,فلازم مفوتش الفجر و أصليه الصبح بعد الشروق(قضاء) عشان هو فرض بردو

ومهما كانت نيتي متزبطة ولا لأ,لازم أقوم و أصلي وهي ان شاء الله هتتزبط بعد كدة, و أفضل أفكر نفسي دايما اني بقوم عشان ربنا وبس
و النية لما تكون مزبوطة دة بيخلي الصحيان للفجر أسهل بكتيييييير ان شاء الله

2) ثاني خطوة: وبعد كدة لازم تبقي مصمم وعندك هدف انك تصحي عشان تصلي,و تحطها حاجة أساسية في الجدول بتاعك زي بزبط لما بتبقي ناوي انك ترو الدرس,أو المحاضرة, أو لما تكون عايز تتفرج علي فيلم !!
و لازم تحط في دماغك دايما أد اي حاجة مهمة انك تصحي الفجر, و ان أداء الخمس صلوات كلهم (من ضمنهم صلاة الفجر) فرض علينا

قال صلى الله عليه وسلم : ((يتعاقبون فيكم ملائكة بالليل وملائكة بالنهار ويجتمعون في صلاة الصبح والعصر ثم يعرج الذين باتوا فيكم فيسألهم الله وهو أعلم كيف وجدتم عبادي فيقولون تركناهم وهو يصلون وأتيناهم وهم يصلون ))

فتحب ان المليكة تقول لربنا عنك ايه؟ كان نايم يا رب !!!!!

لمعرفة فضل صلاة الفجر

[ندعوك للتسجيل في المنتدى أو التعريف بنفسك لمعاينة هذا الرابط]

3)الخطوة الثالثة: بعد كدة ان ساء الله في حاجات مهمة هتخلي الصحيان للفجر أسهل

أول حاجة: نام بدري, و دي حاجة منطقية, فأكيد انك لو نمت بدري لما وقت الفجر ييجي هتكون نمت كويس فمش هيبقي صعب انك تصي ان شاء الله, زي بزبط لما بتنام بدري عشان تصحي بدري للامتحان أو المحاضرة اليوم الي بعده
وخلي حاجة ثابتة انك تنام بدري

4)الخطوة الرابعة: تاني حاجة,خلي جنبك 3 أو 4 منبه و أنت نايم, و أزبطهم وخلي كل واحد فارق عن التاني ب 13 دقيقة, و كمان أزبطهم بدري عن معاد الفجر ,عشان انت مش هتصحي علطول.

وبكدة لو قفلت منبه و نمت تاني,المنبه التاني هيرن بعد 13 دقيقة, و الي بعدة لحد ما تقوم ان شاء الله

5)الخطوة الخامسة: ازبط الموبايل بتاعك في

alarms,calendar alarm

و حطه بعيد عنك عشان تقوم تقفله فتصحي

6)الخطوة السادسة:

وخلي أي حد في البيت يصحيك,أخوك أختك.....
و خلي أي حد يتصل بك يصحيك,بس حط الموبايل بعيد

يارب الكلام دة ينفعني و ينفعكم أمييين
جزاكم الله خيرا

Copied

موضوع: رد: ازاي نصحي نصلي الفجر؟؟؟ 2009-07-24, 18:51

هي اهم حاجة النية لو نيتي ان اصلي الفجر واتغلب عليالشيطان
يبقي هصلية هصلية

ميرسي علي الموضوع

موضوع: رد: ازاي نصحي نصلي الفجر؟؟؟ 2009-09-05, 12:57

[ندعوك للتسجيل في المنتدى أو التعريف بنفسك لمعاينة هذه الصورة]

» صلاة الفجر
» من ينام عن صلاه الفجر؟
» أربع كلمات في الفجر تساوي عبادة
» ياااااااااااااااااااااااااااااه طب ازاي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟بس غريب اوي
» ازاي تخلي اي بنت تحبك موت