"صباح الخير ياجدتى. بقالنا كتير ماقعدناش مع بعض فى الاجازة... ايه اخبارك؟"
"الحمدلله"
بصت لى وفى عينيها كلام كتير وقبل ماتقول حاجه طلبت منى اعمل لها فنجان قهوه.وبعدين قالت لى:"تعالى اقعد جنبي.عايزه اتكلم معاك فى موضوغع شاغل بالى اليومين دول؟؟ظاهره غريبه سمعتها منكذا حد!الشباب بـ يسأل هو الحشيش حلال ولا حرام؟؟مين اللى بـ يروج للافكار المدمرة دي بين الشباب وبـيصرف اهتمامهم بالامور المهمه للحاجات اللى مفيش فائده منها ؟؟مين اللى عايز يغسل عقول شبابنا علشان يبقوا لاحول لهم ولاقوه؟؟
المفروض ان الشباب المثقف الواعى الفاهم يعرف حقيقه كل حاجه بـ تحصل حواليه.ويعرف ان اى ماده بـ تؤثر على المخ مباشرة وتتلف خلاياه هى الدمار بعينه.هى بوابه النهايه.خمره او تدخين سواء حشيش او بانجو او برشام كلها مواد مخدره بأ تؤثر على الصحه عموما وعلى المخ والجهاز العصبي خصوصا. وطبعا انت عاررف ان خلايا المخ هى الخلايا الوحيدة فى الجسم اللى اذا تلفت مابـتتجد على عكس باقى خلايا الجسم.
نرجع لسؤال الساده الشباب عن التحريم . والتحريمهنا مش فى نوع الماده ولكن فى تأثيرها؛يعنى افساد المخ وفقدان الاتزان وانحراف الشخصيه وكل ده نتيجه التعاطى المؤدى للادمان.
تصدق فيه شاب فاكر نفسه عبقري زمانه ومن عائله محترمه بـ يقول ان صاحبه بـ يشرب بانجو وحشيش ومش باين عليه حاجه الا انه مفرفش ومبسوط وضارب الدنيا صرمه! وله صاحب تانى بـ يشرب خمرة وهو كمان اخر روقان وفل الفل! ساعتها كان متهيألى امسك دماغه وافضيها من كل الافكار المخربه ديه!".
"قلبك ابيض ياجدتى فيه شباب كتير افكارهم غلط وبأ يأثروا على غيرهم. ماشيين بمبدأ خدلك كأس. اشرب لك سيجاره محشية اهو تتسلى وتعمل دماغ"
"ياحبيبي البدايه بـ تكون زى ماانت بـ تقول كده شوية شوية بـ يبقوا مدمنين وهممش حاسين لان الامان بـ يبدأ بالتدريج. الاول بالتسالى وتأثيره بـ يكون غير ملحوظ. بس مع مرور الوقت وزياده عدد مرات التعاطى هـ تبقى كل ماتتجمع الشلة لازم يشربوا حاجه. من الحاجات اللى بـ تتوه المخ دي. وبـ تخليهم فى حاله هروب مستمر من مواجهة اى موقف مهما كان عادى او تافه. بمرور الوقت هـ يبدأ حاله الادمان تظهر عليهم وتبدأ الناس من حواليهم تلاحظ التغيير فى الشكل والمظهر والتصرفات وحالة اللا مبالاه احيانا وشدة الانفعال. وفى الاخر هـ يتحول لمدمن وهو مش حاسس وفاكر الناس مش فاهمة... تعرف زمان كنا بـ نقول على اللى بـ يشرب حشيش ايه؟ان الحشيش ده لحس مخه! وبـ نقول خمرجى على اللى كان بـ يشرب خمرة لان التأثير فى الحالتين تأثير تدريجى مابـيظهرش من التعاطى مرة وحدة بس مرور الوقت بـيبقى الواحد عبد الكأس او للسيجاره المحشية.كان فيه حكايه عن حمار نزل غيط برسيم علشان يأكل وفى الغيط كان مزروع بعض الاعشاب المخدره. الحمار أكل البرسيم وساب الاعشاب التانية. يعنى الحمار كده بيفهم عن البنى ادميين
!"
يارب يكون الموضوع اعجبكم وكل الشباب تستفاد منه
موضوع: ازاى فيه شباب بتسأل "هو الحشيش حرام ولا حلال 
2009-07-18, 04:55
