1) المشي: يختلف المشي من طبقةلأخرى :bounce: ، طبعا الفتاة العاملة الكادحة بتمشي وهي دماغها مالية على محورها حوالي 30 درجة .. بالصندل الزحافي بتاعها بيكحت في الارض ويعني احيانا بتجري .. اوعا السخن حاسب الجاز يا استاذ. اما الجامعية بتمشي وهي مشغلة الكشاف على النور العالي .. الاكتاف مستقيمة والرأس مرفوع والايد الشمال على شكل زاوية قايمة شايلة عدة الشغل .. قصدي الدراسة.
2) لما بتمشي هي وصاحباتها ويكونوا مزبطين نفسهم يعني لبس وحركات ، بيمشوا في الشارع مفكرين نفسهم بيصوروا فيديو كليب أو إعلان من بتوع طارق نور، كلام وتعبيرات وحركات بالايد طبعا ويبصوا لبعض وبعدين يضحكوا .. وبمجرد ما يخلصوا ضحك يرجعوا شعرهم لورا .. واو فانتاستيك
3) تحذير هام: طبعا اياك اياك تكون ماشي وتخبط فيها وإلا هتبصلك بصة من فوق لتحت لأنك شخص منحط اساسا ومش بتفهم .. مع انها هي الي بتكون غلطانة لأنها بتوقف فجأة لما تليفونها يرن .. أو توقف قدام محل ماركات عالمية تتفرج .. على اساس انها كل لبسها من باريس.
4) وحظك الجميل لو أختك أو مراتك أو أي واحدة تعرفها اخدنك معاها وهي رايحة تشتري حاجة .. تنكت المحل قطعة قطعة لما تخليك تبقى في نص هدومك قدام صاحب المحل وعامل زي توم وجيري كده لما الكلب يا عيني بيقفش القط .. وتبقى مش عارف تروح منه فين .. وفي الاخر مش هاتشتري حاجة لأن مفيش حاجة عاجباها من قبل ما تدخل.
5) لو فعلا دخلت محل وعجبتها حاجة تبصلها بمنتهى القرف وكأنها خلاص مش طايقاها .. وده كله عشان صاحب المحل يترجاها تشتري ، وتفضل تفاصل معاه لحد ما تنشف دمه .. ودم الحاضرين كمان.
6) لما بتكون ماشية لوحدها بتشغل كل المجسات وقرون الاستشعار بالكامل (مين بيبص عليها؟ ومين ضحكلها؟ وايه نوع البصة؟ وبيبص على ايه بالتحديد؟ الي هي أهم نقطة طبعا ) .. وأساسي يعني هي بتكون باصة لناحية تانية خالص وعاملة مش واخدة بالها وفي الغالب لابسة نضارة سودة عشان ماتعرفش انت هي بتبص على ايه.
7) لما تكون مفرفرة على شخص معين أنه يكلمها والشخص دا طنش أو ماكلمهاش بتقول (يمكن مكسوف مني) ويكون هو في الحقيقة قرفان .. مش منها من الحياة عموما، وإذا كلمها تفتكر أنه وقع في غرامها خلاص وترسم دور التقل (ممكن مثلا يكون بيسألها الساعة كام أو فين المكان الفلاني ومش لاقي حد غيرها يسأله يعني مضطر مش أكتر)
8) عايزة عريس فول أوبشن .. أو عريس مستورد بس بمواصفات الخليج
موضوع: مواصفات البنت النتاوية 
2009-07-10, 16:12
طبعا اذا تجرأت وقلت ازيك مش هترد عليك طبعا لأنك زودتها بجد ... طبعا اذا كتبت أكتر واكتر ممكن تتواضع وترد عليك وتقولك انا مش بتكلم مع حد معرفوش.
