منتديات اسطورة الشرق
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات اسطورة الشرق


 
الرئيسيةالبوابةأحدث الصورالتسجيلدخول

 

 شعبولا يهاجم إسرائيل بـأغنية جديدة

اذهب الى الأسفل 
كاتب الموضوعرسالة
LeGenD
.

.
LeGenD


عدد الرسائل : 4092
نقاط : 66787

شارك الموضوع
Share: Share/Bookmark

شعبولا يهاجم إسرائيل بـأغنية جديدة Empty
مُساهمةموضوع: شعبولا يهاجم إسرائيل بـأغنية جديدة   شعبولا يهاجم إسرائيل بـأغنية جديدة Icon_minitime2010-06-05, 02:13

شعبولا يهاجم إسرائيل بـ"أغنية جديدة" عقب مجزرة أسطول الحرية


يستعد الفنان الشعبي المصري شعبان عبدالرحيم الشهير بـ"شعبولا "لتسجيل أغنيته الجديدة تحت عنوان "الحرية انضربت" التي كتبها المؤلف إسلام خليل مساء أمس الخميس 3-6-2010.

وقال شعبولا في تصريح خاص لـ"العربية.نت": "اتصلت بإسلام قولت له يا نهار اسود شوفت إسرائيل عملت ايه في الاسطول، قالي آه بتابع وما تقلقش يا شعبولا هكتبلك أغنية لا يمكن تعديني مناسبة زي دي".

وأضاف شعبولا "ايه اللي بيحصل يا ناس بقى يعني منفعش معاهم اغنيتي الشهيرة "أنا بكره إسرائيل" أقولهم ايه العالم البجحة دي. بعد إحساس الكره الرهيب اللي كل العرب بيكرهوه لإسرائيل اغنيلهم اقولهم ايه؟ بنكرهكم كمان وكمان".

وتابع: "اللي عملتوا اسرائيل تصرف غبي وعبيط، والله لو انا كنت على السفينة كنت كلتهم بأغنياتي. بقى معقول ناس جدعان موديين أكل لناس محاصرة ينضربوا ويموتوا. هما فاكرنا مش رجالة ولا ايه دا إحنا رجالة اوي وناكل الزلط بس مش خاينين زيهم ولا بنعرف نلف ولا ندور، بس نعرف كويس نتعامل مع البطجية الاسرائيليين".

واعتبر شعبولا أن موقف تركيا مشرف جداً وموقف الحكومة المصرية قوي وشديد خاصة "بعدما فتحوا الابواب بتاعت فلسطين (المعابر) علشان يروحوا وييجوا براحتهم لاننا اخوة وعرب".

واستكمل "أنا بحب الريس محمد حسني مبارك وبكره الناس تقول كان احلى عهد فيكي يا بلد وكانت احلى ايام، وبدعيلوا ربنا يديله الصحة لأنه حكيم".

فيما أكد المؤلف اسلام خليل لـ"العربية.نت" أن "هذا الحادث المؤلم لازم ينكتب عنه ألف أغنية وأغنية لأن حرام اللي بيحصل في فلسطين".

وقال: كتبت الأغنية بمجرد ان شاهدت في الفضائيات ضرب سفينة الحرية وعرفت ان اسرائيل طاحت في الكل واتفقت مع شعبولا على تسجيها لكننا لم نبدأ التسجيل حتى الآن.

يُذكر ان شعبولا له عدة اغنيات ذات شهرة واسعة مثل اغنية بحب "عمرو موسى وبكره اسرائيل"، وأغنية هبطل السجاير. كما غنى للرئيس المصري حسني مبارك في عيد ميلاده، وأعلن رفضه إضراب 6 إبريل في اغنية.


كلمات الأغنية

الحرية انضربت والعالم كله شاف
علشان الكل يترعش ويترعب ويخاف
اكمن مفيش ردع والكل شايل ايديه
هنموت ويبقى الوضع كما هو عليه
في كل دقيقة بالوه وفي كل ثانية قتيل
ملعون ابوكي دولة يا دولة اسرائيل
الناس هيجلها حسرة من الشغب ومن السكوت
وغزة لسه محاصرة وعلى البطيء بتموت
العربي والاجنبي اتقتلوا في الحرية
شوفت السلام والنبي والطيبة الاسرائيلية
ضربوا الحرية عادي واللي في دماغهم حصل
ولا اللي راحوا رجعوا ولا اي شيء وصل
الهم زاد والغم والبركة في اسرائيل
خلو الحرية دم عمال يوماتي يسيل
اياك حماس وفتح يحصل بينهم وفاق
ويحسوا برأي مصر ويمضوا الاتفاق
انضربت الحرية عيني عينك بالنهار
علشان الموت يعشش ويفضل الحصار
لو كنا وحدة يا عرب كان حالنا يبقى جميل
ولا الاسطول انضرب ولا كبرت اسرائيل
الرجوع الى أعلى الصفحة اذهب الى الأسفل
https://zero11.own0.com
 
شعبولا يهاجم إسرائيل بـأغنية جديدة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات اسطورة الشرق :: ~¤¦¦§¦¦¤~المنتديات العامه~¤¦¦§¦¦¤~ :: منتدى اخبار الفن والفنانين-
انتقل الى:  

للتسجيل اضغط هـنـا