السلام عليكم ورحمة الله وبركاتة
مادام مش هتتجوزنى توعدنى لية
الجملة دى 90%من البنات بيقولوها للشباب
ودة طبعا لان الشباب يوعدوا البنات بالزواج
ويفضلوا يوعدوهم ويخلوا بيهم وبوعودهم
ودى مسألة بتعانى منها بنات كتير جدا ياجماعة
لية ياشباب بتعملوا كدة؟
لية بتلعبوا بالبنات هتستفادو اية؟؟
واحد يرد عليا ويقولى طيب ماهى البنت
هى اللى ادتنى فرصة لكدة. .
هقولك مظبوط بس مش بايديهم كل بنت ولها ظروفها
لية حضرتك وبكل ببساطة تستغل الظروف دى
مااللى حضرتك بتعملة النهردة هيتعمل فى اختك
او بنتك بكرة (دين تدان)
انا هتناقش معاكم على سبيل الحكايات اللى
انا شوفتها وسمعتها
مثال :بنت ابوها بيضربها ليل ونهار فى البيت بلا رحمة ولا شفقة
اكيد هتدور عالحنان والحب دة برة البيت
بنت والدها ووالدتها سيادتهم طول النهار فى الشغل ويرجعوا
يناموا مفيش حوار بينهم وبين البنت . .وبالتالى البنت هتدور برة البيت عالحب
اللى مش لاقياة فى البيت
بنت والدتها متوفية ووالدها حارمها من الخروج
ومانعها انها تخرج برة البيت
هتدور بكل وسيلة على انها تلاقى الحنان اللى مفتقداة جوة بيتها
تيجى حضرتك وبكل سهولة كالذئاب تضحك عليها
وتلعب بمشاعرها
انا مش هقولك غير انك ممكن تكون السبب فى
انهيار بنت من دول
ممكن تنتحر بسببك وانا كلامى دة بناء على اللى شوفتة فى بيوت
كتيررر
بنات حاولوا ينتحروا بسبب كدة
اتقوا الله ياشباب فى بنات الناس
بالله عليكم فرقوا كويس بين البنت الكويسة واللى مش كويسة
وكلمة اخيرة. .
انا بتكلم عالبنات اللى الظروف متحكمة فيهم فقط
مش البنات اللى مهيأ ليهم كل حاجة
والبيت مراعيهم وبيمشوا مع الشباب بمزاجهم
وهمات ال عايزين كدة
تحياتى
موضوع: {{{مادام مش هتتجوزنى توعدنى لية}}} 
2010-02-25, 23:11
