--------------------------------------------------------------------------------
السلام عليكم ورحمة الله وبركاته
اخوانى انا هدخل فى الموضوع على طول بدون اى مقدمات
احنا بنتحاصر بطريقة جديدة وهى الحصار الاقتصادى
(( الصين )) "صنع فى الصين" كم من الاف المرات رايت هذه الجملة
فى بيتك فى حياتك فى ملابسك وحتى فى طعامك
الموضوع من زمان موجود لكن اقترب من مرحلة الخطر
-------------
* عندما يتم استيراد الفاكهة والخضروات من الصين اليست تلك مرحلة خطيرة
من اين يأكل الفلاح المصرى وكيف يعمل وهو لا يدرى ولا يعلم سوى الزراعة .
عندما يتوقف طلب الفاكهة والحضروات الزراعية من الفلاح ويتم الاكتفاء بالاستيراد من الصين
ويتوقف الفلاح عن الزراعة غصب عنه وليس بارادته من سيعلم ابنه الزراعة ( لا احد )
وهنا يبدأ الخطر ( وهو الطلوب ) " توقف فلاحين مصر عن العمل مما يؤدى الى
1 - بعد مرور عشرة او عشرون عاما لن يكون فى مصر حاجة اسمها فلاحين
2- اسعار المحاصيل المستوردة من الصين سوف تقفز الى اعلى المستويات " حد يقوللى ليه"
علما من الصين بان مصر مفيش فيها فلاحين يبقى لازم تحتكر السوق الزراعى وبأى سعر
" اللى يلاقى الدلع وميدلعش" ...............................
------
*عندما يتم استيراد التماثيل الفرعونية من الصين اليست تلك مرحلة خطيرة
من الفراعنة نحن ام الصينيون ؟
من اولى بصناعة تلك المنتجات نحن ام الصين ؟
ده فيه مقوله سخرية انا سمعتها بتقول " ده احنا لو قلبنا الهرم هتلاقى عليه made in china
للاسف " اكيد معظمنا سمعها واكيد برده فينا اللى بيرددها انا سمعتها ضحكت لكن لما فكرت فيها حزنت حزنا شديدا
----------------------
الم يأن الاوان لكى " نفوق من الغيبوبة - نعود الى ديارنا - نصحى من النوم العميق ده "
ام ننتظر الخطر ونفتح له الباب بل جميع الابواب
صدقونى الخطر جاى جاى
مصر امانه فى ايدينا مصر بلدنا
وده مش كلام اعلانات ولا شعارات ده كلام واحد مصرى بيحب مصر بجد
واخيرا وليس بأخر ارجوا الا اكون اطلت عليكم بكلامى
والسلام عليكم ورحمة الله وبركاته
موضوع: الحقيقة وراء كلمة (made in china ) الخطر جاى جاى يا مصر " استر يا رب " 
2010-02-22, 15:35
