متى تعرف إن هذا الفيلم مصرى؟

متى تعرف إن هذا الفيلم مصرى؟



لما تلاقى البطل عيان وتقدم لة البطلة حباية الدوا مع كوباية مايه وبعد ما يبلعها وتسأله البطلة فورا: ها عامل اية دلوقتي المفاجأه انة يرد عليها الحمد لله بقيت احسن
كده بالسهولة دي.. هو واخد حبة البركة ولا ايه؟
*******



لما تلاقى البوليس وصل الي موقع الجريمة منغير ماحد يقوله
تقريبا المخرج هو اللي بلغ علشان يصور.. أمّال هيصور ايه
*******


لما تلاقى البطلة وهى بتهرب تيجى لقطات الامطار الغزيرة والبرق والرعد
والشباك اللي ينفتح بقوة علي مصراعيه
وتلاقي البطلة في الفيلم مصيّفه
*******

عندما تقول البطلة للبطل انها حامل فيرد البطل على طول.. اللي في بطنك ده لازم ينزل
غالبا بيكون يوسف شعبان
*******

عندما تفاجئ باغنية مالهاش أي لزمه في نص الفيلم
مش عارف ايه العلاقة بين الاغنية والفيلم
*******

عندما يكون من المستحيل انك تلاقى التليفون مشغول والطرف التاني يرد من قبل ما النمرة تجمع ولا تدي جرس حتى
*******


عندما يسكر البطل فتلاقيه يصب كوبايه ماليانه علي اخرها
بيسكر بعصير قصب
*******


العبارة الساذجة الشهيرة التلي تصطحب مشهد القبض علي المجرم: مفيش جريمة كاملة وانت فاكر انك هتهرب من البوليس بعملتك دي
*******

عندما يصاب البطل بطلق ناري في قلبه وتنزف الدماء من بطنه زي صلصلة الكشري
ويفضل يتكلم بطلاقة وتركيز لمدة خمس دقائق يقوم فيها بفك لغز الفيلم والاعلان عن القاتل الحقيقي او البطل يبقي ابن مين
*******

لما تاكل بنت البطله الفطار وهيا واقفة وبتاخد لقم سريعة
فتقولها امها ما تفطري يابنتي كويس تقولها: لا علشان الحق المحاضرة وتبوسها وتمشي
*******
لما تلاقى مقر العصابة مليان قش وبراميل وفران
*******


احنا كده وهنفضل طول عمرنا كده بس راضيين ان احنا كده يا ترى ليه راضين ده اللى نفسى اعرفه