منتديات اسطورة الشرق


 
الرئيسيةالبوابةس .و .جبحـثالتسجيلدخول

شاطر | 
 

 ساكته ليه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
samaka
.

.
avatar

عدد الرسائل : 911
نقاط : 32078

شارك الموضوع
Share: Share/Bookmark

مُساهمةموضوع: ساكته ليه   2009-08-04, 21:11

[ندعوك للتسجيل في المنتدى أو التعريف بنفسك لمعاينة هذا الرابط]


ساكتة ليه؟



ساكتة ليه؟


قولي حاجه

ولا هاتستني لحد مايبيعوا فيكي كل حاجه؟

كل السدود اتهدمت

كل القيم اتبدلت

كل الأقنعة وقعت خلاص

وعـالهلاك خلاص مافاضلش حاجه

إعملي حاجه

إقطعي عنهم خيرك موتيهم

شقي ارضك وابلعيهم

إخسفيهم

فيضي نيلك غرقيهم

عرفيهم انت مين

أي حاجه!

بس ما تسكتيش كده

خلاص تعبت من الندا

وببص ايه اللي فاضل

القى خلاص مافضلش حاجه

وخلاص مابقتش فاهم أي حاجه

هيبعوكي؟

ولا هايأجروكي ايجار جديد؟

هو دا الفكر الجديد؟

وهيقدروا بإيه التمن

بالعمر ولا بالزمن؟

مايقدروش عليه

ولا بعرق عمالك

وشقى فلاحينك

وبميه نيلك

ولا بدم الشهيد

ولا بإيه

على كل حال مايقدروش عليه

هايبيعوا ايه و يسيبوا ايه

هايبيعوا نيلك و خيرك؟

وهايسبونا لمين غيرك؟

هايبيعوا الهرم والبرج؟

هايبيعوا الخزان والسد؟

هايبيعوا وسط البلد؟

هايبيعوا حلم الولد؟

هايبيعوا طلعت حرب؟

و مش بعيد كمان يبيعوا

انتصارنا في الحرب

هايبعوا دم الشهيد؟

وفرحة العيال بهدوم العيد؟

هايبيعوا رمل سينا؟

ودموعنا اللي في عنينا؟

هايبيعوا الشركات والمصانع؟

هايبيعوا احساسي بالامان جوه الجوامع؟

هايبيعوا الاطفال والمدارس؟

هايبيعوا اجراس الكنايس؟

ولا هايبيعوكي كلك على بعضك؟

لخلق عدو عليكي يحلموا بضفرك

وياترى هايبيعوا أحلامي

وزكرياتي في اراضيكي؟

فرحتي واهاتي

وقلبي المتعلق بموانيكي

صوتي وسكاتي

وروحي اللي عاشقه كل شيء فيكي؟



الاؤنه الادونه الاتريه

قرب قرب يا بيه

بلد ما فيش منه اتنين

وبدل البحر فيه بحرين

ونيل طويل وكمان فرعين

خصم خاص للجملة والقطاعي

ومن غير مقدم ما فيش داعي

ولا اقولك..

عندي فكره جهنميه

لو عاوز تشتري

اتصل على
0900
واللي هايتصل اكتر

هانديله حته هدية

ومعاها كمان عربيه

--

ويا ترى هايبيعونا كمان معاكي

محنا اللي سكتنا وياكي وسلمناكي

زعلان من ايه يا زمن

ما خلاص بعنا وقبضنا التمن

وايه باقي بعد الوطن؟

غير الـ ولا حاجه

ساكتة ليه؟

الرجوع الى أعلى الصفحة اذهب الى الأسفل
DEMA
.

.
avatar

عدد الرسائل : 1686
نقاط : 33229

شارك الموضوع
Share: Share/Bookmark

مُساهمةموضوع: رد: ساكته ليه   2009-08-04, 21:21

ربنا يستر عليكى يا سمكه
والله خايفه عليكى هروح مع مين الجامعه السنه اللى جاية
يا رب امن الدولة ميشوفش الموضوع ده
هههههههههههههههههههههههههههههه



عدل سابقا من قبل DEMA في 2009-08-23, 02:27 عدل 2 مرات
الرجوع الى أعلى الصفحة اذهب الى الأسفل
samaka
.

.
avatar

عدد الرسائل : 911
نقاط : 32078

شارك الموضوع
Share: Share/Bookmark

مُساهمةموضوع: رد: ساكته ليه   2009-08-04, 21:39

ههههههههههههههههه
بس تيجي علي قد الجامعه
ههههههههههههههههههههه
مرسي يا دودي لمرورك
وابقي افتكريني بعيش وحلاوه
Crying or Very sad Crying or Very sad
الرجوع الى أعلى الصفحة اذهب الى الأسفل
safira
.

.
avatar

عدد الرسائل : 259
نقاط : 31183

شارك الموضوع
Share: Share/Bookmark

مُساهمةموضوع: رد: ساكته ليه   2009-08-19, 23:58

بجد ياسمكه انا دمعت
الموضوووووع جمييييييييييل ومهم اوى
مش لازم نستسلم لاحسن نلاقى نفسنا اتبعنا بالبلد فى لحظه
مصر مافيش زيها
بلد الامن والامان
يارب احميها من اى عدوان و احتلال
تحياتى لكى يااحلى سمكه
MsgPlus MsgPlus MsgPlus
[/size]
الرجوع الى أعلى الصفحة اذهب الى الأسفل
samaka
.

.
avatar

عدد الرسائل : 911
نقاط : 32078

شارك الموضوع
Share: Share/Bookmark

مُساهمةموضوع: رد: ساكته ليه   2009-08-20, 15:01

يسلملي مرورك يا حلي سفيره شكرا ياقمر ع ردك
❤ ❤ ❤
الرجوع الى أعلى الصفحة اذهب الى الأسفل
 
ساكته ليه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات اسطورة الشرق :: ~¤¦¦§¦¦¤~المنتدى الأدبي~¤¦¦§¦¦¤~ :: منتدى عــــــذب الكلام-
انتقل الى:  

للتسجيل اضغط هـنـا