الناس (والكلاب)

موضوع: الناس (والكلاب) 2009-08-02, 20:38

صاحبت ناس وصاحبت كلاب وعرفت مين فيهم يشكر
وخرجت بنتيجه عجيبه خلتنى ازعل واتـــــــــــــــحسر
شفت الوفا معدوم م الناس وفى الكلاب شئ متوفر
الكلب ما يعضش فى اخوه والناس على الناس تتأجر
حيوان بدون عقل بيفهم ويغير عليك ولا يتــــــــــــــغير
وصاحب العقل الانسان الشر فى عنيه متحضـــــــــر
لأ والعجيبه لو انسان شبهته (بالكلب) يكشـــــــــــر
الكلب صاحب صاحبه تمام وبدون نفاق حبه بيكبر
وصاحب الكلب يصاحبك ولما يحتاجلك يظهـــــر
والكلب فى غيابك بيصون مالك وعلى بيتك يسهر
من طبعه بيصون النعمه ويخاف عليك قد ما يقدر
اما ابن ادم ابن الناس ابن الاصول المتحضر
يضحك فى وشك ويسلم وبين اديه ماسك خنجر
ازاى كدا يكون طبع الناس للغدر تسعى وتتشمر
وازاى كدا يبقى الحيوان عن ابن ادم يتخير
سألت عالم م العلماء وفيلسوف عاش فى البندر
سرح بفكره وخياله وقالى من بعد ما فكر
انا قلبى لما اختبر الناس حبى (لكلبى) زاد اكتر

» انواع الناس
» اهلا كل الناس بلس
» كيف تكون أسعد الناس؟؟
» اكسب حب الناس في 90 ثانية
» التردد الجديد لقناة الناس